Ärdoğan: ““FETÖ”nı soñğı äğ’zase täêsirsez xälgä kiterelgänçegä çaqlı küzläyäçäkbez”
İlbaşı Räcäp Tayyip Ärdoğan “Fätullahçı” terror oyışmasın (FETÖ) soñğı äğ’zase täêsirsez xälgä kiterelgängä qadär küzläyäçäklären belderde
İlbaşı Ärdoğan Ğomum başlığı bulğan “Ğadälät häm qalqınu” partiyasınıñ Törkiyä Böyek Millät Mäclesendäge törkem cıyılışında çığış yasadı.
Çığışında irtägä 15nçe iyül’ tüntäreleş omtılışınıñ 5 yıllığı buluın xäterlätüçe Ärdoğan: "Parlamentıbız ul tönne qıyu torışı belän ğazilek däräcäsenä layıq buluın tağın ber qat kürsätte. “FETÖ”nıñ äle dä ilebezgä höcüm itärgä teläwçe äğ’zaläreneñ buluı mäğ’lüm. Din iseme astında millätne qullanuçılarğa da mömkinlek birmäyäçäkbez”, - dip äytte.
"Başqa terror oyışmaları belän köräşebezne niçek itep taşlamasız häm qatğıy räweştä alıp barsaq, “FETÖ”nı da şuşındıy uq räweşle soñğı äğ’zase täêsirsez xälgä kiterelgängä çaqlı küzläyäçäkbez”, - dip basım yasawçı Ärdoğan: "İlebezneñ iminlege monnan arı çiklärebezdä tügel, yanaw bulğan urında başlıy”, - dip belderde.
