Oktay: "Üzbäkstannıñ reforma häm iniśiativa barışın xuplıybız"
Törkiyä İlbaşı urınbasarı Fuat Oktay: "Üzbäkstannıñ reforma häm iniśiativa barışın xuplıybız. Törkiyä Üzbäkstannıñ här ölkädäge potenśialın kürä. Häm monı alğa taba alıp baruı öçen Üzbäkstanğa bulışırğa äzer”, - dip äytte.
Oktay belän Üzbäkstan Baş ministr urınbasarı Serdar Umurzakov Üzbäkstan başqalası Taşkentta xökümätlärara komissiya cıyılışınnan soñ urtaq belderü yasadı.
İlbaşı urınbasarı Oktay: "İke il bularaq närsälärne bergä tağın da tizräk başqara aluıbıznı söyläştek. Üzbäkstan Baş ministr urınbasarı Serdar Umurzakov belän ike yaqlı mönäsäbätlärebezne häryaqlap qarap çıqtıq”, - dip äytte.
Törkiyä belän Üzbäkstannıñ säwdä külämeneñ 2021nçe yılnıñ berençe biş ayında monnan aldağı yılğa qarağanda 93%qa artuın häm 1 milliard yarım dollar däräcäsenä citüen äytüçe Oktay: "İke il arasındağı säwdädä milli aqça berämlekläreneñ qullanıluı xuplandı”, - dip belderde.
Oktay Törkiyäneñ Üzbäkstannıñ reforma häm iniśiativa barışın da yaqlawın iskärtep uzıp: "Törkiyä Üzbäkstannıñ här ölkädäge potenśialın kürä. Häm monı alğa taba alıp baruı öçen qardäş Üzbäkstanğa bulışırğa äzer”, - dip äytte.
Fuat Oktay bıyıl Törkiyä-Üzbäkstan qardäşlegeneñ yılı bulacağın belderde.
Bäyläneşle xäbärlär
"Netan’yaxu Gitlernı könläştererlek däräcägä citte”
Törkiyä ilbaşı bu xaqta Greśiya gazetına birgän interv’yusında citkerde