“NATOdan kötkänebez – Törkiyäneñ iminlek sizgerlegen xörmät itüe”

İlbaşı Räcäp Tayyip Ärdoğan, NATOdan kötkännäreneñ Törkiyäneñ möstäqillek xoquqlarına häm iminlek sizgerlegenä xörmät kürsätelüe buluın belderep: "Terrorçılıq belän köräş häm humanitar krizislar belän êffektiv köräş mäs’äläsendä xezmättäşlek täq’dimnärebezne qabatlayaçaqboz”, - dip äytte.

İlbaşı häm “Ğadälät wä qalqınu” partiyası ğomum başlığı Ärdoğan partiyasınıñ Törkiyä Böyek Millät Mäclesendäge törkem cıyılışında çığış yasadı.

Ärdoğan çığışında yaña tör koronavirus (Kovid-19) kizüe barışında Törkiyäneñ säyäsättän iq’tisadqa häm sälamätlek saqlawğa qadär böten awırlıqlarnı xäl itep, 84 million watandaşınıñ xoquqın, kiläçägen saqlap qaluın äytte.

Çığışında terrorçılıq belän köräştä kilep citelgän torışqa iğ’tibarnı yünältüçe Ärdoğan: “Terror oyışmaları belän, cinayätçel törkemnär belän köräşebezne, çik buylarıbızğa yanağan, möstäqillegebezne tämek itep alğan höcümnärgä qarşı başqalarnıñ yärdäme belän tügel, millätebez belän bergä köräştek häm ciñdek”, - dip äytte.

“Böten köçebez belän dönya 5tän (Berläşkän Millätlär Oyışması İminlek Şurasında qararlarnı veto itü xoquqına iyä daimi äğ’zalär Amerika Quşma Ştatları, Böyek Britan, Franśiya, Qıtay häm Rusiyä) zurraq, dip äytergä, üzebez, duslarıbız häm böten cäberlängännär öçen ğadellekne häm irekne yaqlarğa däwam itäçäkbez. Nigezdä Törkiyä bularaq bez dä êçendä bulğan här platformada şuşındıy uq totışnı kürsätäbez”, - dip äytüçe Ärdoğan: “Düşämbe könne (Bel’giya başqalası Bryussel’dä) bez qatnaşaçaq NATO sammitında bezneñ kön tärtibendäge mäs’älälärne äñgämädäşlärebez belän quzğataçaqbız. Nindi dä bulsa artqa çigenü hiç tä bulmayaçaq”, - dip belderde.

NATOnıñ iñ möhim äğ’zase bulğan Törkiyäneñ ittifaq qısalarında üz wazıyfaların tiyeşençä ütägän il buluın iskärtep uzuçı Ärdoğan: “İttifaqtağı başqa urtaqlarıbızdan berdänber kötkänebez ilebezneñ möstäqillek xaq-xoquqlarına häm iminlek sizgerleklärenä xörmät kürsätelüe. Terrorçılıq belän köräş häm humanitar krizislar belän täêsirle köräş mäs’äläsendä täq’dimnärebezne qabatlap äytäçäkbez”, - dip citkerde.