"Min Misır xalqın yaxşı beläm: bäyläneşlärebezneñ mädäni yağı bik ähämiyätle..."
Ärdoğan Misır belän Törkiyä arasındağı yaqınayu xaqında bäyan itte
Törkiyä ilbaşı Räcäp Tayyip Ärdoğan: “Misır belän Könçığış Urta diñgezdän Liviyägä qadär kiñ mäydanda citdi xezmättäşlek mömkinleklärebez bar,”-dide. Ul Törkiyä teleradiokompaniyäse TRTdä könüzäk mäs’älälär xaqında bäyan itte.
Ärdoğan soñğı çorda Kahirä idaräse belän söyläşülär alıp barılunı Törkiyä häm Misır xalıqlarınıñ tarixtan kilüçe küñel häm tarix berdämlege belän bäyläp añlata. “Däwlätlär arasındağı mönäsäbätlär bu nigezdä bara. Başlanğan söyläşülär kiñäyep däwam itä,”-di ul.
Törkiyä ilbaşı Misır belän xezmättäşlek mömkinlekläreneñ kiñ buluın belderä.
“Säwdä tarmağında êşne alğa cibärü zarur. Ottırışsız nigezdä mönäsäbätlärebezne üsterergä kiräk. Min Misır xalqın yaxşı beläm. Bäyläneşlärebezneñ mädäni yağı bik ähämiyätle,”-dip söyli Ärdoğan.
