Törkiyä kümäk immunitet maqsatınıñ 25%ına ireşte

Koronvirus belän köräş qısalarında “kümäk immunitet” strategiyäsen üz kürüçe Törkiyädä yaqınça 9 million 600 meñ keşe vakśinanıñ ikençe dozasın da yasattı, 5 millionğa yaqın keşe isä xastalıq kiçerde. Şulay itep, immunitet buldıru maqsatınıñ 25%ına ireşelde.

Sälamätlek saqlaw ministrlığınıñ sośial’ fännär şurası äğ’zası häm Gazi universitetı mediśina fakul’tetı dekanı, professor Mostafa Näcmi İlhan üz belderüendä, xalıqara fänni ädäbiyät häm Bötendön’ya sälamätlek saqlaw oyışmasına tayanıp, kizü waqıtında yoğu yulların kirtäläw belän ber ük waqıtta immunitet barlıqqa kiterü kiräklegen assızıqladı. Ul koronavirus başınnan birle Törkiyädä kümäk immunitet strategiyäse alıp barıluın citkerde. Monıñ öçen 18 yäş’tän ölkännärneñ 60-70%ınıñ vakśinalaştırıluı kiräk.

“İlebezdä ikençe doza vakśina yasalğan 9 million 600 meñ watandaşıbız bar. Şul uq waqıtta koronavirus belän awırıp terelüçelär yaqınça 5 million. Şulay itep 15 million däräcäsenä kilüen uylağanda, 25% maqsatına yaqınlaşuıbıznı äytergä bula,”-dide professor.