Kabinet üzgärde
Törkiyädä ministrlıqlarda üzgäreşlär barlıqqa kilde
1625265
Törkiyä ministrlar kabinetında üzgäreşlär yasaldı. Säwdä ministrı Ruhsar Pekcannıñ wazıyfası tögällände, anıñ urınına Mäxmät Muş bilgelände.
Ğailä, mäşğul’lek häm sośial’ xezmätlär ministrlığı ikegä bülende: ğailä häm sośial’ xezmätlär ministrlığı belän mäşğul’lek häm sośial’ iminlek ministrlıqları barlıqqa kilde. Ministrlıqnıñ ikegä bülenüe belän Zehra Zümrüt Sälçuknıñ wazıyfası da tögällände.
Yaña tözelgän ğailä häm sośial’ xezmätlär ministrlığına Där’ya Yanık, mäşğul’lek häm sośial’ iminlek ministrlığına isä Vedat Bilgin bilgelände.
Şulay itep, ilbaşı kabinetındağı ministrlıq sanı 17 buldı.