Kapadokiya êkspressı açıla

Törkiyäneñ täwge zinnätle poyızd turı proyektına imza quyıldı. Ul – Kapadokiya êkspressı bulaçaq. Bu turıda ofisı Yaponiyädä urnaşqan HIS Törkiyä belän “Sun Group” arasında kileşü tözelde.

HIS Global 70tän artıq däwlättä 500dän artıq ofisı bulğan dön’yadağı iñ yaxşı 10 säyäxät operatorlarınnan berse.

Proyekt qısalarında yulçılıq berençe êtapta İstanbul belän Kapadokiya arasında başlanaçaq. Soñınnan il külämendä turizm timer yul êlemtäse tözü küzdä totıla. Maqsat här yıl 200 meñ turistqa xezmät kürsätü.

Kapadokiya êkspressı belän başlanaçaq proyekttağı poyızdlarda yoqı urınnarı bulaçaq häm härber kupe 5 yoldızlı qunaqxanä standartlarına turı kitereläçäk.