Төркия-Aзәрбaйҗaн aрaсындa тaныклык бeлән сәяxәт итү / Törkiyä-Azärbaycan arasında tanıqlıq belän säyäxät itü
Төркия бeлән Aзәрбaйҗaн aрaсындa эчкe пaспoрт (шәxeс тaныклыгы) бeлән сәяxәт итү чoры бүгeн бaшлaды / Törkiyä belän Azärbaycan arasında êçke pasport (şäxes tanıqlığı) belän säyäxät itü çorı bügen başladı
Törkiyä Tışqı êşlär ministrı Mäwlüt Çavuşoğlu “Twitter” akkauntınnan “Ber millät, ike däwlät” yarlığı (xeştege) belän urtaqlaşqan yazmasında: "Bügennän başlap Azärbaycan belän säyäxätlär monnan arı êçke pasport (tanıqlıq) belän mömkin. Böten kirtälär beterelä, qardäşlegebez tağın da köçäyä. Watandaşlarıbız häm Azärbaycan qardäşlärebez öçen xäyerle bulsın”, - dip äytte.
Bügen ğamälgä kergän tärtip nigezendä ike il watandaşları yaña tördäge çiple şäxes tanıqlığın qullanıp 90 kön buyı vizasız säyäxät itä ala.
Şäxes tanıqlığı (êçke pasport) belän säyäxät itü tärtibe qısalarında Azärbaycan watandaşlarına Törkiyägä kergändä, törek watandaşlarına isä Törkiyädän çıqqan çaqta ike telle "Kerü-çığu blankı" östenä kerü-çığu ştampı quyılıp bireläçäk.
Här ike il watandaşlarınıñ bu dokumentnı Törkiyädä häm Azärbaycanda bulğan waqıt êçendä üzläre belän bergä yörtüe häm çikne uzğan çaqta êçke pasport (şäxes tanıqlığı) belän bergä çik buyı wazıyfalılarına kürsätüläre kiräk.
Yaña tör çiple şäxes tanıqlığınıñ säyäxät dokumentı itep qullanıla alınuı barı tik Törkiyä häm Azärbaycan arasındağı turıdan-turı säyäxätlärdä mömkin, öçençe illärdän Törkiyägä yäki Azärbaycanğa kilgän çaqta xalıqara pasport qullanıluı mäcbür.
Yaña tör çiple şäxes tanıqlığı (êçke pasport) belän yäşäw röxsäte öçen möräcäğät itep bulmayaçaq, Törkiyädä yäisä Azärbaycanda 90 könnän kübräk qalırğa teläwçe watandaşlar qalırğa telägän waqıttan 60 könnän kübräk qullanu waqıtı bulğan xalıqara pasportları belän yäşäw röxsäte öçen möräcäğät itä alaçaq.
