Ärdoğan tabiblar häm şäfqat’ tutaşların qotladı

Törkiyä ilbaşı Räcäp Tayyip Ärdoğan tabiblar häm şäfqat’ tutaşların14nçe mart – mediśina köne belän täbrik itte. Qotlawnamä videosı Twitterda urtaqlaşıldı. İlbaşınıñ cämäğat’çelek belän êlemtä idaräse başlığı Fäxretdin Altun anıñ astına “Fidakar’lekläre belän keşelärebezgä, millätebezgä, keşelekkä xezmät itüçe barlıq mediśina xezmätkärlärebezne qotlıybız” dip yaza.

İlbaşı Ärdoğan isä videoda bolay dip söyli: “Bezneñ śiviliaśiyäbezdä İbn-Sina häm äl-Razi şikelle ğalimnär nigez salğan mediśina beleme här çorda keşelek öçen ähämiyätle buldı. Sez dön’yağa yaratılğan can iyäläre arasında iñ möxtäräme bulğan keşelärgä iñ yaxşı xezmätne kürsätäsez, anı cirenä citkeräsez.

Xörmätle tabiblarıbızğa, mediśina fakul’tetında bulaçaq belgeçlärne üsterüçe qaderle möğallimnärebezgä, barlıq mediśina xezmätkärlärebezgä ayırım-ayırım räxmätläremne citkeräm. Barçağıznı 14 mart – hönäri bäyrämegez belän täbrik itäm”.