Pentagon Törkiyäneñ qayğısın urtaqlaştı
AQŞ saqlanu ministrlığı Bitlistäge boralaq qazası nisbätennän qayğınamä yulladı
1597508
Amerika Quşma Ştatlarınıñ saqlanu ministrlığı Pentagon uzğan atna Bitlistä xärbi boralaq qazasında ülgän törek ğaskäriläre öçen qayğınamä yulladı.
Pentagon süzçese Djon Kirbi bu xaqta Twitterda yazdı. Ul AQŞ saqlanu ministrlığınıñ uzğan atnada boralaq kilep töşep hälaq bulğan xärbilärne qızğanuın belderde. Bu yazmada Kirbi Törkiyä milli saqlanu ministrlığınıñ Twitter akkauntın da bilgeläde.
“NATO berlektäşebez Törkiyäneñ ğomere özelgän xärbilär öçen qayğısın urtaqlaşabız, yaralanuçılarğa şifa telibez,”-diyelä yazmada.
4nçe Martta Törkiyäneñ Bitlis töbägendä xärbi boralaq kütärelep kitkännän soñ ozaq ta ütmi kilep töşte. Andağı ğaskärilärdän 11e şähit buldı, 2se yaralandı.
