“Kiprda ike ayırım däwlätne söyläşä alabız”

Oktay, Tön’yaq Kipr Törek Cömhüriyäteneñ “Bayrak” däwlät teleradiokompaniyasında turıdan-turı êfirında qatnaşıp, könüzäk mäs’älälärgä qağılışlı sorawlarğa cawap birde.

Fuat Oktay Kipr mäs’äläsendä törek milläteneñ härwaqıt konstruktiv buluın belderep: "Utrawda tınıçlıq, mullıq urnaşa alaçaq ike cämğiyätneñ bergä, tigez nigezdä, tigez xaq-xoquqlarda yäşi alaçaq çişeleş bulsın häm tınıçlıq alıp kilsen didek, Törkiyä şunı yasadı. Läkin moña bärabär qarşı taraf berqayçan da yaxşı niyät belän xäräkät itmägäne öçen näticä bulmadı”, - dip äytte.

2004nçe yılda Annan planı referendumında Kipr törek yağının uñay, kipr grek tarafınıñ isä tiskäre tawış birüen xäterlätüçe Oktay çişeleşne yaqlawın raslawçı Awrupa Berlegeneñ şuşı barışta Kipr grek yağın Awrupa Berlegenä äğ’za itep qabul itüen häm monıñ belän üz nigezlären häm qanunnarın bozuın belderde.

İlbaşı urınbasarı Oktay Kiprdağı ike qorılışnıñ ber-berse belän söyläşüe zarurlığın assızıqlap: "Kiprda ike tigez däwlät, ike tigez cämğiyät nigezendä ike ayırım däwlätne söyläşä alabız, ämma federal’ däwlät inde könüzäktä tügel”, - dip äytte.

Şul uq waqıtta Könçığış Urta diñgezdä uglevodorod çığanaqlarınıñ tabıluı belän Kiprnıñ böten illärneñ diyärlek iğ’tibar üzägenä kilä başlawın belderüçe Fuat Oktay bu resurslarnıñ ğadel itep büleşelüeneñ zarurlığın häm Törkiyä bularaq uglevodorod çığanaqlarınıñ bäreleşlärneñ tügel, tınıçlıqnıñ çarası bula alacağın yaqlawlarına basım yasadı.