“Bez mömkin qadӓr cirle resurslarğa nigezlӓngӓn ênergiya tarmağı buldırırğa uylıybız”

Törkiyӓ ilbaşı Rӓcӓp Tayyip Ӓrdoğan Manisada ênergetika hӓm tabiği çığanaqlar proyektlarınıň kümӓk açılış tantanasına  Vahdettin sarayınnn turıdan - turı êfirda qatnaştı.

Ӓrdoğan xakimiyӓtkӓ kilgӓnnӓn birle (2002 nçe yılda) zur uňışlarğa ireşülӓren belderep, “Bezdӓn alda 5 zur şӓhӓrdӓ tabiği gaz bar ide, bez barlıq 81 şӓhӓrebezgӓ dӓ tabiği gaz cibӓrü mömkinlege tudırdıq” dide.

İlbaşı ӓytüençӓ, alar bügenge köngӓ qadӓr küp awırlıqlar hӓm qarşılıqlarnı ciňgӓnnӓr, höcümnӓr kiçergӓnnӓr.

Moňa qaramastan , Törkiyӓneň krizis hӓm xaosqa êtӓrelüenӓ ömetlӓnüçelӓrneň xıyalların cimerep, anı  yaqtı kilӓçӓkkӓ ӓzerlӓwlӓren citkerde.

Ӓrdoğan 2002 nçe yılda 18 megavatt bulğan geotermal’ köçeneň xӓzerge waqıtta 1613 megavattqa citüen assızıqlap,  “Bu kürsӓtkeç belӓn Törkiyӓ Awrupada berençe, dönyada dürtençe urınğa kitӓrelde” dip ӓytte.

İlbaşı süzlӓren tübӓndӓgeçӓ dӓwam itte: “Bӓysez ênergiya, köçle Törkiyӓ dip, mömkin qadӓr cirle, êçke resurslarğa nigezlӓngän ênergiya tarmağı buldırırğa uylıybız. Bez barı tik citeşterüdӓ genӓ tügel, yaňartıla torğan ênergiya texnologiyӓlӓrendӓ dӓ üzӓk il bulırğa telibez”.