Törkiyä Malidağı höcümne ğayepläde
Anda tınıçlıq missiyäse ğaskärilären üterdelär
Törkiyä Malida BMOnıñ tınıçlıq missiyäse (MINUSMA) ğaskärlärenä qarata terrorçılıq höcümen ğayepläde. Tışqı êşlär ministrlığınnan yasalğan belderüdä bolay diyelä: “ Qızğanıçqa, Malinıñ Timbuktu töbägendä oyıştırılğan terrorçılıq aktında MİNUSMAda xezmät itüçe Kot-d’İvuardan 4 ğaskärineñ ğomere özelde häm 5se yaralandı”.
Belderüdä Kot-d’İvuar xalqınıñ häm xökümäteneñ qayğısı urtaqlaşıla.
“Bu terrorçılıq ğamälen ğayeplibez. Dus häm qardäş Kot-d’İvuar xalqı häm xökümäteneñ qayğısın urtaqlaşabız, ğomere özelüçelärneñ ğailäläre häm yaqınnarına sabırlıq, yaralanuçılarğa şifa telibez,”-diyelä Törkiyä tışqı êşlär ministrlığınıñ belderüendä.
Bäyläneşle xäbärlär
Fidan - Faysal ibn Färhan söyläşüe uzdı
Törkiyä tışqı êşlär ministrı Soğud Ğaräbstanı tışqı êşlär ministrı belän telefonnan söyläşte