Törkiyädä kön sayın 1 million 100 meñ keşegä vakśina yasalaçaq

Törkiyä sälamätlek saqlaw ministrı Fäxretdin Koca kön sayın 1 million 100 meñ keşegä vakśina yasaw planlaştırıluın belderde. Preparatlarnıñ berençe partiyäse Qıtaydan kilep ireşügä, anı qullanu kartası da bilgelände.

Vakśina başta centekläp tikşereläçäk. Ul 2 atna däwam itärgä mömkin. Vakśinalaştıruda 27 meñ Ğailä sälamätlege üzäge möhim rol’ uynayaçaq. Däwlät xastaxanäläre häm şäxsi mediśina oyışmaları da öleş kertäçäk.

Sälamätlek saqlaw ministrı Fäxretdin Koca vakśina yasawnıñ qayda häm niçek başqarılaçağı xaqında mäğ’lümat birde.

“İlebezdä 27 meñ Ğailä sälamätlege üzäge bar. Barlıq vakśinalar alarda yasalaçaq. Härber märkäz köndä 10 vakśina yasasa, bu köndä 270 meñ doza digän süz. 40 vakśina yasasa, 1 million 80 meñ bula. Ayırım märkäz buldıru kiräk tügel. Xastaxanälärebez kiñ taralğan. Şäxsi sälamätlek oyışmaları bar. Barlıq bu xastaxanälärne älege maqsat öçen qullanaçaqbız. Mediśina armiyäbez belän poliklinikalarda tönge säğat’ 11 häm 12gä qadär terkälergä mömkin bulaçaq,”-dip añlata ministr.

Qıtay vakśinasınıñ Törkiyädäge volontyerlarda sınawda yan täêsirläre kürenmägän. Fäxretdin Koca ğıynvar, fevral’ häm mart aylarında külämle vakśinalaştıru uzdırılaçağın belderde.