Xakkarida qar körte faciğası

Xakkarineñ Şemdinli rayonında qar körte töşü säbäple ber ğaskäri yaqtı dön’yadan kitte, ber ğaskärine êzläw êşçänlekläre däwam itä.

Saqlanu ministrlığınnan yasalğan yazma açıqlawğa kürä Şemdinli rayonındağı ber bazanıñ qar belän qaplanğan yulınıñ açıluı öçen alıp barılğan êşçänleklär waqıtında qar körte töşte.

Açıqlawda 2 ğaskärineñ qar astında qaluı, xastaxanägä salınğan ğaskärilärdän berseneñ qotqarıla alınmıyça şähit buluı belderelde.

Qar körte astındağı ğaskärine êzläw-qotqaru êşçänlekläreneñ däwam itüe urın alğan açıqlawda: “Bezne tirän qayğı häm borçuğa salğan bu waqıyğada ğomere özelgän ğaziz şähitebezgä Allaxı Täğalädän yarlıqaw telibez. Ğailäse, Törek qorallı köçläre häm millätebezneñ qayğısın urtaqlaşabız,” – dip äytelde.