Törkiyägä qayber oçqıç säfärläre tuqtadı

Angliya, Daniya, Niderland häm Kön’yaq Afrikadan Törkiyägä oçqıç säfärläre waqıtlıça tuqtatıldı.

Törkiyäneñ sälamätlek saqlaw ministrı Faxrettin Koca Twitterda yasağan açıqlawında: “Koronavirus mutaŝiyase arqasında Angliyada çirne yoqtıru tizlegeneñ artuı belderelde. İlbaşıbıznıñ boyırığı häm Transport häm asqorıma ministrlığıbıznıñ koordinaŝiyase belän Angliya, Daniya, Niderland häm Kön’yaq Afrikadan ilebezgä bulğan oçışlarnı waqıtlıça tuqtatu qararı qabul itelde. Çaralar qısalarında xäzerge waqıtta yulda bulğan barlıq yulçılarğa test yasalaçaq häm karantin ğamälgä keräçäk,” – dide.

Bötendön’ya sälamätlek oyışması Angliyada kürelgän virus mutaŝiyaseneñ Niderland, Daniya häm Awstraliyada da küzätelüen beldergän ide.