Törkiyädä vakŝinaŝiya köne bilgelände

Sälamätlek saqlaw ministrlığı planına kürä berençe vakŝina 25 dekabr’ könne yasalaçaq.

Östenlek sälamätlek saqlaw xezmätkärlärenä birelä. Risklı törkem bularaq qabul itelüçe 65 yäş’tän ölkännär dä berençe bulıp vakŝinalanaçaq. Xronik xastalar belän öydän çığa almawçılarğa vakŝinanı öylärenä kilep yasayaçaqlar. Başta infekŝiyane yoqtırmawçılar vakŝinaŝiyalänäçäk.

Sälamätlek saqlaw ministrı Faxrettin Koca 14-21 kön ara belän ike doza räweşendä yasalaçaq vakŝinanıñ watandaşlarğa tüläwsez bulaçağın äytkän ide.

Vakŝinalar ber ük waqıtta Törkiyäneñ här cirenä taratılaçaq.

Dekabr’ ayında 20 million doza belän bergä Qotaydan barlığı 50 million doza vakŝina kiläçäk. İkeşär dozalık vakŝina 25 million keşegä citäçäk.