Ärdoğan Törkiyäneñ AQŞ belän mönäsäbätlärne bäyäläde

İlbaşı Ärdoğan Azärbaycan säfäre aldınnan yasağan belderüendä Törkiyä-Amerika Quşma Ştatları mönäsäbätlärenä tuqtalıp uzdı.

Ärdoğan İlbaşı bulıp saylanğan Baydenğa çit bulmawın, (viśe-prezidentı bulğan êlekke İlbaşı) Barak Obama çorınnan da ğayät yaxşı tanuın añlattı.

Bügen NATO êçendä AQŞtan soñ berençe 5kä kergän illärdän berseneñ Törkiyä buluın assızıqlawçı Ärdoğan: "Monı üzläre dä härwaqıt tanıdılar. Xäzerge waqıtta isä, qızğanıç, bezneñ qoral aluıbız belän bäyle mäs’älälärdäge süzlärne bik xuş kürmibez. Bigräk tä xäzerge waqıtta Süriyäneñ tön’yağında, Färatnıñ könçığışında totışların döres dip tapmıybız. Min xäzer bez yasayaçaq açıqlawlarnıñ äle irtä buluın uylıym. Bayden wazıyfasın üs östenä alsın, annan soñ Bayden belän dä utırıp qayber äyberlärne söyläşerbez”, - dip belderde.

Xalıqara däräcädä, bigräk tä säyäsättä tartqalaşunıñ bulmayaçağına basım yasawçı Ärdoğan: "Diplomatiyädä bu mäs’älälär söyläşelep añlaşıp yul tabarbız. Bezneñ bu barışnı tağın da sawlıqlı alıp baraçağıbızğa ışanam”, - dip äytte.