“Xuş, 10nçı nomer. Awır tufrağıñ ciñel bulsın”

Törkiyä tışqı êşlär ministrı Mäwlet Çavuşoğlu argentinalı legendar futbolçı Diyego Armando Maradonanıñ üleme nisbätennän qayğınamä urtaqlaştı. Ul Twitter akkauntında ispan telendä “Xuş, 10nçı nomer. Awır tufrağıñ cinel bulsın” dip yazdı. Çavuşoğlu Maradonanıñ 10nçı nomer yazılğan forması belän fotosın da quydı. “Bezgä büläk itkän barlıq matur mizgellär häm dön’ya futbolına kertkän öleşegez öçen räxmät,”-dip östi ul.

İsegezgä töşeräbez, Maradona kiçä Buênos-Ayres töbägeneñ Tigre şähärendä yöräk häm üpkä çirläre arqasında wafat buldı. 60 yäş’lek legenda noyabr’ başında baş miyenä operaśiyä kiçerde häm 8 könnän xastaxanädän çıqtı.

Argentinada xökümät Maradonanıñ üleme nisbätennän ildä 3 kön milli matäm iğ’lan itte. Däwlät başlığı Al’berto Fernandes futbol yoldızınıñ gäwdäseneñ ilbaşı sarayı Kasa Rosağa kitereläçägen häm xuşlaşu çarasınıñ biredä ütäçägen belderde. Cirle matbuğat xäbär itkänçä, xalıqqa açıq cenazada yaqınça 1 million keşeneñ qatnaşuı kötelä.