"Qayğıbıznı urtaqlaşqan illärgä räxmät"

Törkiyä ilbaşı Räcäp Tayyip Ärdoğan İzmirdäge cir teträwdän soñ teläktäşlek häm borçılu beldergän barlıq däwlätlärgä räxmät äytte.

Zilziläneñ märkäze İzmirneñ Säfärixisar rayonı sulıqlarında ide. 6,6 ball zurlığındağı cir teträwdä ülüçelär häm yaralanuçılar şaqtıy. Alarnıñ sanı torğan sayın arta.

Ärdoğan Twitterğa Törkiyäneñ qayğısın urtaqlaşqan illärneñ bayraqların quydı.

“İzmirdäge cir teträw nisbätennän izge teläklären citkergän, qayğı urtaqlaşqan häm yärdämgä xäzer buluların beldergän barlıq dus illärgä räxmätemne citkeräm,”-dip yaza ilbaşı. Ul Törkiyädäge barlıq oyışmalarnıñ waqıyğa urınında xalıqqa yärdäm itüen, wäzğıyät’neñ kontrol’dä buluın äytte.