“Franśuz tovarları urınına törekneken al”

Kuveytta franśuz wäqalätleläreneñ islamğa qarşı süzläre häm Möxämmät päyğambärne mısqıllawçı karikaturalar çığarularına protest yözennän “Franśuz tovarlarına boykot, törek tovarların propogandalaw” kampaniyäse başlandı.

Kuveytlelär sośial’ mediada, bu qısalarda, “franśuz tovarların töreknekenä almaştır” êtiketı açtı.

Aktivistlar ildä kiñ qullanıla torğan Franśiyä tovarlarınıñ fotoların äyläneşkä kertep cibärde. Alarnıñ urınına qullanılırğa mömkin Törkiyä tovarlarınıñ isemlege çıqtı.

Sośial’ mediada ildäge tanılğan kibetlärneñ Franśiyä tovarları boykotı kampaniyäsenä quşıluı belderelde.

Kuveytta 70tän artıq waqlap satu çeltären berläşterüçe Qullanuçı kooperativları berlege 23nçe oktyabr’dän başlap kiştälärendäge barlıq Franśiyä tovarlarınıñ alınuın xäbär itte.

Kuveyt tışqı êşlär ministrı Äxmät Nasır äl-Möxämmät äl-Sabax yäkşämbe könne Franśiyäneñ Kuveyttağı ilçese Ann-Klêr Lejandrğa Franśiyädä dinnärgä höcüm êçtälekle belderülärne tuqtatuı kiräklegen belderde.

Sabax ileneñ İslam dinen terrorçılıq belän bäyläp qaraw säyäsätlären kire qağuın äytte.