Ärdoğan: “Qatardağı Törkiyä xärbi kontingentı töbäk tınıçlığına xezmät itä”

İlbaşı Ärdoğan Qatarda ingliz telendä çığuçı “The Peninsula” gazetındağı äñgämäsendä Törkiyä häm Qatarnıñ tirän tamırlı tarixi, mädäni häm keşe mönäsäbätlärenä iyä ike qardäş il buluın, ike ilneñ iq’tisad, industriya, saqlanu, iminlek, kapital salu häm ênergetikağa qadär cäyelgän kiñ ölkädä strategik mönäsäbätläre buluın belderde.

Törkiyäneñ Qatardağı xärbi kontingentınıñ barı tik qardäş Qatarnıñ ğına tügel, böten Farsı qultığı töbägeneñ totrıqlılığına häm tınıçlığına xezmät itüenä basım yasawçı Ärdoğan: "Xaos xisapların yasawçılardan tış berkem dä Törkiyäneñ häm törek xärbiläreneñ Farsı qultığında buluınnan tınıçsız bulmasqa tiyeş”, - dip äytte.

Ärdoğan Törkiyäneñ Süriyä säyäsäte häm terrorçılıq belän köräş xäräkätläre belän bäyle soraw uñayınnan Törkiyäneñ Süriyä cirlärendä hiç tä daimi bulmawın, berkemneñ dä cir-tufrağın alırğa telämäwlären assızıqladı.

Krizis daimi bularaq xäl itelgän çaqta Süriyädän kitäçäklären äytüçe Ärdoğan Törkiyäneñ böten terror oyışmalarına qarşı qatğıy köräş alıp baruın da belderde.

İlbaşı Ärdoğan, Liviya belän bäyle bularaq ta bu ildä legallekneñ qazanaçağın, tüntäreleşçelärneñ yuğaltaçağın assızıqlap: "Törkiyäneñ kereşüläre belän mäydanda täêmin itelgän tınıçlıq näticäsendä forsat barlıqqa kilde. Häm Liviya häm dä töbäk tınıçlığın häm totrıqlılığın saqlayaçaq şuşı forsatnıñ äräm itelmäwe zarur”, - dip äytte.

Ärdoğan Könçığış Urta diñgezdäge täräqqiyätlär belän bäyle bularaq ta Törkiyäneñ härwaqıt töbäk baylıqlarınıñ yar buyı illäre tarafınnan ğadel büleşüen yaqlawın, moña böten diplomatik kereşülärdä basım yasawın añlattı.

Ägäy häm Urta diñgez mäs’äläseneñ Törkiyäneñ hiç tä kire adım yasamayaçaq mäs’älä buluına iğ’tibarnı yünältüçe Ärdoğan: “Törkiyä häm Tön’yaq Kipr Törek Cömhüriyäte yuq dip isäplänelgän, yar buyları belän çikländerelgän hiçber çişeleşne qabul itmäwebezne böten platformalarda yuğarı tawış belän telgä aldıq, telgä alırğa däwam itäçäkbez. Xaq-xoquqlarıbıznı häm mänfäğät’lärebezne härwaqıt häm här şartta saqlarğa häm yaqlarğa täwäkkällek belän däwam itäçäkbez. Könçığış Urta diñgezdäge qatğıylığıbıznı kürüçelär häm ilebezgä buş yanawlar häm şantajlar belän kire adım yasattırmayaçağın añlawçılar nihayät’ dialog çaqırularıbızğa qolaq salırğa mäcbür buldı”, - dip äytte.