Çavuşoğlu: “Yuğarı Qarabax Azärbaycannıqı”

Çavuşoğlu wazıyfadaşı Cäyhun Bayramov belän Tawlı Qarabaxtağı soñğı wazğiyät belän könüzäk regional’ häm xalıqara täräqqiyätlär turında fikerläre belän almaştı.

Söyläşüdän son ike ministr urtaq matbuğat oçraşuın oyıştırdı.

Tağın ber qat Törkiyäneñ Azärbaycanğa yaqlawın kürsätü öçen bügen bu ilgä säfär yasawın belderüçe Çavuşoğlu: "Härwaqıt qardäş Azärbaycannıñ yanında bez. Böten dönyağa tağın ber märtäbä şunı äytergä telibez: Yuğarı Qarabax Azärbaycannıqı”, - dip äytte.

Çavuşoğlu qısılıp qalğan Ärmänstannıñ grajdan toraq punktlarğa höcüm itä başlawına häm monıñ keşelek cinayäte buluına basım yasadı.

Çavuşoğlu monıñ Ärmänstannıñ duçar bulğan çarasızlıqnıñ kürsätkeçe buluın assızıqladı.

Minsk törkeme illäreneñ basıp aluçını (Ärmänstannı) qorban xälendäge il Azärbaycannı ber ük däräcädä totuın belderep: "Bu räweşle kitmäyäçägen böten dönya añlarğa tiyeş”, - dip äytte.

Bu problemanıñ tınıç räweştä çişeleşe mäs’äläsendä härtörle tırışlıqnı yaqlawların belderüçe Çavuşoğlu: "Bu barışta Azärbaycannıñ xaqlı däğwasın añlatırğa däwam itäçäkbez. Böten dönyanıñ da xaqlı bulğannıñ yanında tora aluı öçen, çınbarlıqlarnı äytä aluı öçen köräşebezne däwam itäçäkbez”, - dip äytte.

Bayramov isä Ärmänstan däwläteneñ terrorçı töşençägä iyä buluın häm maqsatlarına ireşü öçen qızıl sızıqlarınıñ bulmawın belderde.