Илбaшы Әрдoгaннaн Aврупa Бeрлeгe лидeрлaрынa xaт

Ärdoğan xatında: "Könçığış Urta diñgez säyäsätebezneñ ike töp maqsatı bar. Berençese, Könçığış Urta diñgezdä diñgez wäqalät mäydannarınıñ xalıqara xoquqqa turı kiterep, xaqlı häm ğadel räweştä çikländerelüe häm qıytğa mäydanıbızdağı suveren xaq-xoquqlarıbıznıñ häm wäqalätlärebezneñ saqlanuı. İkençe maqsatıbız isä, Kipr törekläreneñ Kipr utrawınıñ tigez urtağı bularaq utrawnıñ uglevodorod çığanaqları östendäge tigez xaq-xoquq häm mänfäğätläreneñ ışanıç astına alınuı. Greśiya belän alşartsız bularaq dialogqa äzer buluıbızğa tağın ber qat basım yasarğa telim. Bu qısada kiyerenkelekneñ azaytıluı öçen NATO Ğomum särkätibeneñ diñgez häm hawa êlementların ayıru kereşüen baştan birle yaqlawıbıznı da iğ’tibarığızğa citkeräm”, - dip äytte.

Greśiyadän häm Kön’yaq Kipr grek citäkçelegennän qala Awrupa Berlege äğ’zalärenä cibärelgän xatta İlbaşı Ärdoğan Könçığış Urta diñgez mäs’älälärenä ğadel häm tınıç çişeleş taba alunıñ härkemneñ urtaq cawaplılığı buluın assızıqlap: "Monıñ öçen xezmättäşlek häm dialog yaqlanırğa tiyeş, xäzerge krizisnı tağın da köçäytäçäk adımnardan häm qararlardan taypılırğa kiräk. Bezneñ êçkersez telägebez – 18nçe mart kileşüeneñ bügenge kön şartları da iğ’tibarğa alınıp yañartıluı häm Törkiyä-Awrupa Berlege mönäsäbätläreneñ böten yaqları belän urtaq mänfäğätlärebezgä turı kiterelep êtaplap alğa taba alıp barıluı. Monıñ yulınıñ isä qanunsız küçenü-migraśiya, terrorçılıq, säwdä, ênergetika kebek küp törle ölkädä mönäsäbätlärebezneñ urtaq mänfäğätlärebez öçen bik möhim buluın añlawdan uzuına ışanam, bu maqsatqa qağılışlı qıymmätle yaqlawığıznı kötäm”, - dip belderde.