Ärmän armiyäse Törkiyä jurnalistlarına attı (video bar)

Ärmänstan armiyäse Azärbaycanğa höcüm waqıtında cirlektä êşçänlek alıp barğan jurnalistlarğa da attı. Ayırım alğanda, alarnıñ nişanında Törkiyä däwlät radiosı häm televideniyese TRT belän Anadolu agentlığı xäbärçeläre bar ide.

İrtänge säğat’ 6larda başlanğan höcümnärne töşerü öçen ut sızığına kitkän jurnalistlarnıñ östendä başta 2 keşesez hawa apparatı kürenä. Alar xäbärçelärneñ urının bilgeli, şunnan soñ älege cirlekkä Ärmänstan tarafınnan minomyet atışı bula. Yädrälär jurnalistlardan 100 metr ğına yıraqqa töşä. Alar, maşina artına qaçıp, soñğı minutta ülemnän qotıla.

Êşlären başqarırğa irek birelmägännän soñ, xäbärçelär waqıyğa urınınnan kitärgä mäcbür bula.