Ärdoğan ärmän xalqın zolımğa qarşı çığarğa çaqırdı

Törkiyä ilbaşı Räcäp Tayyip Ärdoğan Ärmänstannıñ töbäktäge tınıçlıq häm xozur qarşındağı iñ zur yanaw buluın tağın ber qat kürsätüen belderde. Ul Twitterda  bolay dip yazdı: “Ärmänstannıñ provokativ agressiyäsenä qarşı kiräkle häm citärlek reakśiyä kürsätä almawçı xalıqara cämäğat’çelek ikele standartların tağın ber qat kürsätte. Minsk öçelese dä (Rusiyä, Amerika Quşma ştatları, Franśiyä) yaqınça 30 yıldır vayımsız poziśiyäsen däwam itä häm çişeleş tabu öçen tırışudan bik yıraqta. Ärmän xalqın üzlären hälakätkä söyräwçe idarälärenä häm alarnı marionetka şikelle qullanuçılarğa qarşı çığıp, kiläçäklären üz qullarına alırğa, basıp alu häm zolımğa qarşı köräştä Azärbaycan yanında bulırğa çaqırabız”.

Törkiyä ilbaşı bügen Azärbaycan däwlät başlığı İlham Aliyevqa şaltıratuın, anıñ aqıllı häm nıqlı poziśiyäsen kürüen dä citkerä. Ärdoğan aña Törkiyäneñ “ber millät, ike däwlät” fikere belän azärbaycanlı qardäşlärgä tayanıç bulaçağın äytä.