"Sälamätlek saqlaw sistemabız ayağında nıq tora"

İlbaşı Räcäp Tayyip Ärdoğan Törkiyä sälamätlek saqlaw sistemasınıñ ayağında nıq basıp toruın belderde. Ul İstanbulda professor, tabib Söläyman Yalçın isemendäge şähär xastaxanäse açılışı tantanasında çığış yasadı.

Ärdoğan mediśina ob’yektınıñ qalağa, ilgä häm millätkä xäyerle buluın teläde. “Törkiyäneñ başqa tarmaqlar belän bergä sälamätlek saqlawda tormışqa aşırğan iniśiativalarınıñ mäğ’näse koronavirus kizüe çorında tağın da yaxşı añlaşıla,”-dide ul.

İlbaşı Törkiyäneñ sälamätlek saqlaw sistemasınıñ, sonğı çorda Kovid-19 oçraqları häm reanimaśiyädäge awırular sanına qaramastan, köçen yuğaltmawın assızıqladı. “Barıbız bergä pandemiyäne ciñäçäkbez,”-dide ul häm bolay dip östäde: “Mediśina xezmätkärläre häm fidakyarlärçä xezmät itüçe keşelärebezgä burıçıbıznı barı cawaplılıq kürsätep kenä tüli alabız”.