“Xoquqlarıbıznı saqlarğa däwam itäçäkbez”

İlbaşı Ärdoğan Qorban bäyräme mönäsäbäte belän urtaqlaşqan videoyullamasında bäyrämneñ törek millätenä häm böten İslam dönyasına häm keşelekkä xäyerle buluın teläde.

Törkiyäneñ yaña tör koronavirus (Kovid-19) kizüe çorın sälamätlek saqlaw ölkäse belän bergä här tarmaqta böten dönyanıñ täq’diren qazanğan näticälelek belän idarä itüen belderüçe Ärdoğan cayğa salu barışı belän turizmnan tış başqa böten tarmaqlarda diyärlek tormışnıñ kizüdän äwwälge torışına yaqınayğan ritmğa qawışuın assızıqladı.

Ärdoğan: "Tarixıbızğa “ciñülär ayı” bularaq uzğan avgustqa kerergä torğan şuşı könnärdä, inşallah, balalarıbızğa yaña ciñülär miras qaldıraçaqbız”, - dip äytte.

"Ğıyraqtan häm Süriyädän Liviyağa qadär cäyelgän kiñ mäydanda däwam itüçe köräşebezne üzebez häm qardäşlärebez öçen ciñü belän tämamlawda täwäkkälbez”, - dip äytüçe İlbaşı Törkiyäneñ Könçığış Urta diñgezdäge häm Ägäydäge xoquqların saqlaw öçen başlatqan êşçänlekne axırına qadär däwam itteräçägenä basım yasadı.

Ärdoğan yañadan ğıybadätkä açılğan Ayasofiya mäçete misalında bulğanı kebek Törkiyäneñ möstäqillek xoquqların qullanudan ikelänmäyäçägen assızıqlap äytep uzdı.

Ärdoğan Törkiyäneñ dönyanıñ qaysı yağında yäşämäsen, nindi ışanuğa, kilep çığışına, mädäniyätenä iyä bulmasın, ğadälätsezlek häm ğadelsezlekkä, zolımğa duçar bulğan härkemneñ yanında toruın däwam itteräçägen belderde.

Qorban bäyrämeneñ yöräklärebezgä xozur, Törkiyägä isänlek, dönyabızğa tınıçlıq kiterüen teläwçe İlbaşı: "Bäyrämegez möbaräk bulsın”, - dide.