İzge Sofiya ğıybadätkä açıq
Biredä berençe comğa namazı uqıldı
Ayasofiya cämiğı bügen uqılğan comğa namazı belän 86 yıldan soñ qabat ğıybadätkä açıldı.
Törkiyä ilbaşı Räcäp Tayyip Ärdoğan Aysofiya-i Käbir cämiğı şärifenä kilde.
Ärdoğan comğa namazınnan alda Qorän-i Kärim uqıdı.
İlbaşın Diyanät êşläre başlığı Ali Ärbaş qarşı aldı.
Sälalardan soñ cämäğat’ Ali Ärbaş doğasına quşıldı.
“Millätebezneñ tirän yöräk yarasına äylängän sağışı betä bügen, Allaxka şökerlär bulsın.Ayasofiyaneñ ğıybadätkä açıluı Äl-Aqsa mäçete belän cir yözendäge barlıq mäçetlär häm mazlum möêminnärgä şatlıq alıp kilde. Älege mäçetebezneñ işekläre qalğan cämiğlarıbızdağı kebek ük ayırıp qaramıyça barlıq Allaxı Täğalä qollarına açıq bulaçaq,” – dide ul.
İzge Sofiya cämiğınıñ 4 manarasında 4 möäzin bergä azan uqıdı.
Ali Ärbaş xötbädän soñ farz namazın qıldırdı.
Soŝial’ media qullanuçıları #AyasofyaCamii êtiketı belän Twitterda yullamalar yasadı.
Ayasofiyadäge berençe comğa namazı televideniye kanallarında häm soŝial’ mediada turıdan-turı kürsätelde.
Törkiyä ilbaşı Räcäp Tayyip Ärdoğan häm Millätçe xäräkät partiyase ğomüm başlığı Devlet Bahçeli Fatix Soltän Mäxmät Xannıñ törbäsenä dä bardı.
