"Törkiyä bar närsägä üz tırışlığı belän ireşte"

İlbaşı Räcäp Tayyip Ärdoğan Törkiyäneñ bügengä qadär köräşsez bernärsägä dä ireşmäwen belderde. Ul gidroêlektr citeşterü ob’yektlarınıñ kümäk açılu tantanasında videoêlemtä yulı belän çığış yasadı.

Ärdoğan stanśiyälärneñ Törkiyä öçen ähämiyäten assızıqladı. Anıñ fikerençä, ênergetikası bulmağan däwlät śivilizaśiyä turında söyläşä almıy. İlbaşı Törkiyäneñ här närsägä tırışlığı arqılı ireşüenä basım yasadı.

“Böten dön’ya üz êçenä biklängän çorda investiśiyä, citeşterü häm mäşğul’lekkä teräk bulıp, tarqalu häm kizügä bireşmäwebezne kürsättek. Törkiyä koronavirus pandemiyäse çorında sälamätlek saqlaw xezmätläre mäydanındağı investiśiyälärne däwam itterde häm 2023nçe yılğa quyılğan maqsatlarına ireşüdäge qararlığın alğa çığardı,”-dip söyläde Ärdoğan.

Ul şäxsi tarmaqnıñ barı tik sänäğat’ mäydanında soñğı 6 ayda 10 milliard liralıq investiśiyä belän 583 yaña fabrikanı tögälläp citeşterügä kereşüen citkerde.    

Ärdoğan Awrupa Berlegeneñ Törkiyägä qarşı poziśiyäsen tänqıyt’läde. “Törkiyäneñ qarşına quyıp ğamälgä aşırılğan ikele standartlarnıñ artındağı niyätlär bilgele,”-dide ul.

Erdoğan, sälamätlek saqlaw, iqtisad, diplomatiyä häm iminlek mäs’älälärendä Törkiyäneñ üz-üzenä ışanuın da östäde.