Antaliya aêroportında Kovid-19 laboratoriyäse açıldı
Biologik ürnäk alu kabinetında tapşırılğan analizlar şunda uq laboratoriyädä tikşerelä häm 4-5 säğat’ êçendä näticä äzer bula
Törkiyä aêroportlarındağı täwge Kovid-19 laboratoriyäse Antaliyädä açıldı. Ul cirle häm çit il turistlarına xezmät kürsätä dä başladı inde. Laboratoriyälär ilneñ mädäniyät häm turizm belän sälamätlek saqlaw ministrlıqlarınıñ plannarı qısalarında qorıla.
Xalıqara terminalda 90 kvadrat metr mäydanda tözelgän laboratoriyä ofis häm êkspertiza büleklärennän tora. Anda 20 mediśina xezmätkäre ber-bersen almaştırıp 24 säğat’ xezmät kürsätäçäk.
Biologik ürnäk alu kabinetında tapşırılğan analizlar şunda uq laboratoriyädä tikşerelä häm 4-5 säğat’ êçendä näticä äzer bula. Anı törek häm ingliz tellärendä êlektron poçtaña cibärälär yäisä qäğaz’gä çığarıp qulıña birälär.
Çit ildän kilüçelär häm, kiresençä, kitüçelär dä bu xezmättän faydalana ala.
Süz uñayınnan Kiprğa baruçı Tön’yaq Kipr Törek cömhüriyäteneñ Antaliyadağı konsulllığınıñ mäğarif häm mädäniyät attaşesı Mäxmät Savaş Kortay laboratoriyädä tikşerengän berençe keşe buldı.
Bäyläneşle xäbärlär
Fidan - Faysal ibn Färhan söyläşüe uzdı
Törkiyä tışqı êşlär ministrı Soğud Ğaräbstanı tışqı êşlär ministrı belän telefonnan söyläşte