Paragvayğa yärdäm barıp citte

Törkiyäneñ koronavirusqa qarşı köräştä qullanu öçen cibärgän mediśina kiräk-yaraqları Paragvayğa barıp citte.  İlneñ däwlät başlığınıñ xatını Silvano Abdo Twitter säxifäsennän yasağan belderüdä bu xaqta äytte. Ul 281 meñnän artıq mediśina êşlänmäsen qabul itep aluların yazdı. Abdo Törkiyägä räxmäten belderde. “Ayıruça, Törkiyä ilbaşı Räcäp Tayyip Ärdoğannıñ xäläl cefete Aminä Ärdoğanğa ilebezgä kürsätkän yumart yärdäme häm yaratuı öçen räxmät belderäbez,”-di ul.

Törkiyä Paragvayğa, Silvano Abdonıñ Äminä Ärdoğannan ilenä kizü belän köräştä teräk buluın sorağannan soñ, mediśina yärdäme cibärde. Anda 50 meñ saqlawçı ös kiyeme, 30 meñ 95 nomerlı bitlek, 100 operaśiyä bitlege, 2 meñ saqlawçı küzlek häm 50 meñ xastaxanä galoşi bar.