“Zur häm quätle Törkiyä tözeleşeneň soňğı borılışına keräbez”

 Törkiyä ilbaşı Räcäp Tayyip Ärdoğan kabinet cıyılışınnan soň çığış yasap anda qabul itelgän qararlarnı citkerde.

İlbaşı Törkiyäneň citeşterü, säwdӓ hӓm logistik östenleklӓre belӓn êpidemyӓdӓn soňğı dönya iq’tisadındağı urının tağın da nığıtaçağın belderep:”Zur häm quätle Törkiyä tözeleşeneň soňğı borılışına keräbez”,-dide.

Ul koronavirus tulısınça betkänçe bitlek kiyü, distanśiyäne saqlaw häm gigiyena qağıydälären ütäw kiräklegen assızıqladı.

Ärdoğan törek ğalimnäreneň Kovid -19 nı däwalawda qullanılğan favipiravir isemle darunı êşläp çığaruğa ireşülären belderde.

İlbaşı 65 yäş’tän ölkän keşelärneň monnan soň här kön 10.00 – 20.00 säğät’lär arasında , 18 yäş’tän keçeräklärneň isä äti-äniläre belän bergä, alar kontrolendä  uramğa çığa aluın citkerde.

Ärdoğan ber genä êpidemiyäneň, yanawnıň da il häm millät berdämlegennän, teläktäşlegennän köçle bulmawın assızıqladı.

Törkiyäneň 40 yılğa yaqın separatist terror oyışması belӓn köräşendä altın çor küzätelüen beldergän Ärdoğan, Süriyäneň İdlib töbägendӓ qabat bäreleşlär başlanuına küz yomıp qalmayaçaqların, Liviyädä isä tüntäreleşçelär , imperialistlarnıň yanında tügel, xalıq yanında bulunı däwam itteräçäklären citkerde.