Ärdoğannan bäyräm qotlawı

Törkiyä ilbaşı Räcäp Tayyip Ärdoğan 19 may Atatörekne iskä alu, Yäş’lär häm sport bäyräme uñayınnan yullama yasadı.

Yullamasına “Ömetebez, ışanıçıbız, kiläçägebez bulğan xörmätle yäş’lär” dip başlağan Ärdoğan 19 may könne Atatörekneñ Samsunğa baruı belän başlanğan häm Amasya, Erzurum, Sivastan bar ilgä cäyelgän Milli köräşne uñışqa ireştergän ruxnı, dulqınlanu häm bäxetne bügen barlıq yäş’lärneñ küzlärendä kürüen belderde.

İlbaşı yäş’lärneñ watan häm bayraqnı yaqlayaçaqlarına, bu izge qıymmätlärne kiläse näsellärgä citkeräçäklärenä, cawaplılıqnı añlap zur tırışlıq quyaçaqlarına, Cömhüriyätne täwäkkällek belän saqlayaçaqlarına ışanuın belderde.