Keniyada urlanğan İtaliya watandaşın töreklär qotqardı

Keniyada urlanıp Somaliğa alıp kitelgän İtaliya watandaşın Törkiyä milli küzläw oyışması koordinaśiyäle êşçänlek näticäsendä isän-imin qotqardı.

Älege waqıyğa 2018nçe yılnıñ noyabrendä başlana. 25 yäş’lek ital’yan xatın-qız Silviya Konstanśo Romanonı Keniyanıñ Çakama töbägennän urlap alıp kitälär. Şunnan soñ İtaliya dairäläre Törkiyäneñ milli küzläw oyışması MİTtän yärdäm sorıy. Alar 2019nçı yılnıñ dekabr’ ayında cirlektä Romanonıñ xäle belän bäyle êşçänlek başlıy.

MİT töbäktäge cirle küzläw oyışmaların da aktivlaştırıp, başta Romanonıñ isän buluın açıqlıy. Koordinaśiyäle êşçänlek näticäsendä anı şuşı könnärdä qotqardılar häm Somali başqalası Mogadişoda İtaliyä dairälärenä tapşırdılar.  

İtaliya matbuğatında çıqqan xäbärlärdä Romanonıñ “Afrika Milelel Onlus” dip ataluçı yärdäm oyışmasında xezmät itüe häm şul maqsat belän Keniyada buluı yazıla. Anıñ qotqarıluı tuğan ilendä kiñ rezonans barlıqqa kiterde häm Törkiyäneñ cirlektäge yoğıntısına iğ’tibar cälep itelde.

Süz uñayınnan, Romano İslam dinenä küçkän. Ul İtaliya matbuğatına birgän interv’yusında monı üz teläge belän, bernindi mäcbür itü bulmadan êşläwen belderde.