“Törkiyӓ Awrupa Berlege ӓğ’zası bulsa ide böten awırlıqlar belӓn tağın da yaxşıraq körӓşer ide”

Törkiyӓ tışqı eşlӓr ministrı Mӓvlüt Çavuşoğlu 9 nçı may – Awrupa köne uňayınnan yullama yasadı.

Ul kilӓçӓktӓ xalıqara cӓmğiyӓt’neň köçle Awrupa Berlegenӓ tağın da kübrӓk moxtac bulaçağın belderep ,” Törkiyӓ Awrupa Berlege ӓğ’zası bulsa ide bu qıyın könnӓrdӓ Kovid -19 belӓn körӓştӓ genӓ tügel, böten awırlıqlar belӓn tağın da yaxşıraq körӓşer ide”dide.

Çavuşoğlu tınıçlıq, sośial’ proyekt hӓm urtaq qıymmӓtlӓr bularaq dönya tarixında üz urının alğan Awrupa Berlegeneň sośial tormışnıň küp ölkӓlӓren cayğa saluçı urtaq sӓyӓsӓtlӓre belӓn üz watandaşlarına da, xalıqara cӓmӓğӓt’çelekkӓ dӓ zur öleş kertüen belderde.

Mӓvlüt Çavuşoğlu bilgelӓp ütkançӓ, soňğı çorda xalıqara sistema bilgesezleklӓr hӓm konfliktlar belӓn tulı üzgӓreş kiçergӓndӓ Awrupa Berlege ber yaqtan yaňa ittifaqlar buldırırğa, ikençe yaqtan bulğan berlektӓşlӓr belӓn xezmӓttӓşlekne hӓm berdӓmlekne arttırırğa ,üzen nığıtırğa tiyeş.

Çavuşoğlu süzlӓren tübӓndageçӓ dӓwam itterde: “Awrupa Berlegenӓ namzӓt Törkiyӓ Awrupa Berlegeneň  qorılu  prinśiplarına  bӓyle, cawaplı global’  aktyer buluı öçen aňa kirӓkle öleşne kertergӓ ӓzer. Törkiyӓ Berlekkӓ iň zur öleş kertӓ alaçaq illӓr arasında urın ala”.

Çavuşoğlu:”Törkiyӓ hӓm Awrupa Berlegeneň berlekkӓ  kerü söylӓşülӓren mönӓsӓbӓtlӓrneň nigezen tӓşkil itüe aňlayışı belӓn hӓr tarmaqta xezmӓttӓşekne üsterüe barı tik üz mӓnfӓğӓt’lӓre cӓhӓtennӓn genӓ tügel, töbӓk hӓm xalıqara sistema kilӓçӓge cӓhӓtennӓn dӓ zur ӓhӓmiyӓtkӓ iyӓ”,-dide.

Törkiyӓ tışqı êşlӓr ministrı: “Törkiyӓ urtaq kilӓçӓk öçen Awrupa Berlege belӓn çın küňeldӓn hӓm mӓğ’nӓle xezmӓttӓşlek ideyӓsenӓ ӓzer. Barlıq Awrupa watandaşların Awrupa köne belӓn qotlıym”,-dide.