Ӓrdoğannan Putinğa Ciňü köne yullaması

Törkiyӓ ilbaşı Rӓcӓp Tayyip Ӓrdoğan Rusiya Federaśiyӓse dӓwlӓt başlığı Vladimir Putinğa Rusiyӓneň Ciňü köne uňayınnan qotlaw yullaması cibӓrde. Anda tübӓndӓge yullar urın ala:

“Xörmӓtle dӓwlӓt başlığı hӓm dustım. Sezne Böyek Ciňüneň 75 yıllığı belӓn çın küňeldӓn tӓbrik itӓm. Keşelek dön’yasına zur ğazaplar kitergӓn hӓm millionnarça sovet keşeseneň ğomeren özgӓn İkençe bötendönya suğışınıň betüen bilgelӓgӓn könnӓrdӓn berse bulğan bu kön xalıqara tınıçlıqnıň qaderen tağın da yaxşıraq aňlarğa yӓrdӓm itӓ. Forsattan faydalanıp Törkiyӓ hӓm Rusiyӓneň soňğı dӓwerdӓ ayıruça regional’ tınıçlıq hӓm totrıqlılıqnı saqlaw öçen kürsӓtkӓn urtaq tırışlıqlarınıň ӓhӓmiyӓtenӓ basım yasarğa telim. Böten dön’yağa tiskӓre yoğıntı yasağan Kovid -19 kizüe belӓn körӓştӓ törek xalqınıň telӓktӓşlek xislӓren citkerӓm , sezgӓ hӓm Rusiya xalqına sӓlamӓtlek telim”.