İrtägä satuğa BOREL çığaçaq
Törkiyädä bik küp üzençälekläre bulğan yaña dezinfekśiyä çarası yasap çığardılar
Törkiyädä bor qatnaşındağı qul dezinfekśiyäläw çarasınıñ laboratoriyä prośessı tögällände. Ul küpläp çığaruğa äzer. Bu xaqta ênergetika häm tabiğıy çığanaqlar ministrı Fatix Dönmäz belderde.
Koronavirus belän köräş qısalarında yaña dezinfekśiyä çarası BORELneñ tanıtu cıyılışı buldı. Qullarnı sabın belän yuu mömkinlege bulmağanda anı qullanıp şäxsi gigiyenañnı täêmin itärgä mömkin. Bilgele bulğança, Kovid-19 çista qullarnı yaratmıy.
“İrtägedän başlap BORELne törle satu noqtalarında watandaşlarıbızğa täq’dim itäçäkbez. Böten dön’yada şäxsi gigiyena çaralarında citdi qıyınlıq buluğa qaramastan, bez üz çığanaqlarıbıznı koordinaśiyäläp watandaşlarıbıznıñ ixtiyacın aşığıç räweştä qanäğat’länderdek,”-dide Dönmäz. Ul BOREL dezinfekśiyä çarasınıñ tiregä zarar birmäwen assızıqladı.
“BORELneñ êçendäge bor, êtil spirtı, gliśerin, aloê vera, çäy ağaçı mayı häm lavanda qullarnı yomşata häm tirene bozmıy. Bornıñ anti-bakterial’ üzençälege quldağı mikrob häm bakteriyälär belän köräşä, şul uq waqıtta tiredäge yaralarnıñ tağın da tizräk tözälüenä öleş kertä,”-dip söyläde ministr.
