Törkiyä Angliyägä qabat yärdäm itte
Bu yulı mediśina kiräk-yaraqları belän bergä ömet cibärdelär
1396442
Törkiyä koronavirus belän köräştä yärdäm maqsatınnan kizüdän iñ zur zarar kürgän illärneñ berse bulğan Angliyağa bügen ikençe partiya mediśina kiräk-yaraqları cibärde. Berençese comğa könne kitkän ide.
Bitlek häm saqlağıç kombinezonnardan toruçı yärdämne başqala Änkaradağı Ätimäsğut xärbi aêroportınnan yök oçqıçına töyäp ozattılar. Äyberlär tutırılğan qaplarnıñ östenä törekçä häm inglizçä 13nçe ğasırda yäşägän fiker iyäse Mäwlana Cälaletdin Rumineñ süzläre yazılğan: “Ömetsezlek artında niçämä-niçä ömetlär bar. Qarañğılıqtan soñ niçämä-niçä qoyaşlar bar”.
Bu êş ilbaşı Räcäp Tayyip Ärdoğan quşuı buyınça başqarıla.
