“Ğalimnärebez virus kizüenä çara tabu öçen özleksez êşli”

 Törkiyä ilbaşı idaräseneñ êlemtä bülege başlığı Fahrettin Altun Törkiyädä koronavirusqa qarşı köräş çaraları belän bergä ğalimnär häm tikşerenüçelärneñ dä kizügä çişeleş tabu öçen êşçänlek başqaruın belderde.

Altun 2019 nçı yılnıñ dekabr’ ayında başlanğan Kovid -19 nıñ Törkiyägä kilüen totqarlaw öçen zur tırışlıq kürsätelüen citkerde.

Fahrettin Altun bu yünäleştä êşçänleklärneñ däwam itüen assızıqlap:”Xäzerge waqıtta ildä ber oçraq terkälde. Älege keşe karantinda totıla. Koronavirusqa qarşı köräş çaraların härqawıt xalıqara cämäğät’çelek häm törek xalqı belän urtaqlaştıq. Bu mäs’älädä bik tögäl buldıq häm bu şulay däwam itäçäk. Ğalimnärebez xätär virus kizüenä çara tabu öçen özleksez êşli. Xalıqara cämğiyät’neñ bu yanawğa çara tabu öçen bergä xäräkät itü waqıtı citte”,-dide.