Ärdoğan qul qısışmıy
Törkiyä liderı NATO citäkçeseneñ dä qulın qısmadı
Törkiyä ilbaşı Räcäp Tayyip Ärdoğan böten dön’yada tiz taraluçı koronavirus mäs’äläsendäge sizgerlegen Bel’giyädäge säfäre waqıtında da kürsätte. Ul İstanbuldan üzen ozatuçılar belän dä, Brüssel’dä oçqıçtan qarşılawçılar belän dä qul qısışmadı.
Ärdoğan Bel’giyädäge programması qısalarında Törkiyäneñ Awrupa Berlegendäge daimi wäkillegenä bardı. Anda ul üzen qarşılawçı törek watandaşlarına möräcäğat’ itep, alarnı Kovid-19 mäs’äläsendä kisätte.
Ärdoğan çığışınnan soñ NATO ğomum särqatibe Yens Stoltenbergnı qabul itte. Alarnıñ qul birep isänläşmäwe iğ’tibarnı cälep itte. Törkiyä liderı qulın suzu urınına kükräge turısına quyıp “korona” dip xäterlätte. NATO başlığı da şundıy uq xäräkät yasadı.
Bäyläneşle xäbärlär
Terrorçılar täêsirsez xälgä kiterelde
Ğıyraqnıñ tön’yağında terrorçılarğa qarata operaśiyälär däwam itä
