Qıtaydan qaytuçılarnı karantinnan çığardılar

1nçe fevral'dä Uxan' şähärennän Änkarağa kiterelgän 42 keşe xastaxanädän qaytıp kitte.

Qıtaydan qaytuçılarnı karantinnan çığardılar

Qıtaynıñ koronavirus kizüe taralğan Uxan’ şähärennän 2 atna êlek Törkiyä başqalası Änkarağa êvakuaśiyälängän 42 keşeneñ karantin waqıtı tuldı.

Sälamätlek saqlaw ministrı Fäxretdin Koca beldergänçä, alarğa berençe könnän başlap här 3 kön sayın barlıq analizlar yasalğan. Barısınıñ näticäläre çista çıqqan. Koronavirus terkälmägän.

Ministr 42 yulçınıñ monnan soñ ğadäti tormışlarına däwam itäçäklären belderde. “Bernindi küzätü yasaw kiräkmi. Fänni komitet başqa törle kiñäşlär birmäde,”-dide ul.

Qıtaydan qaytqan 42 keşene karantin astındağı xastaxanädän çığardılar.

Bilgele bulğança, alarnı maxsus xärbi oçqıç belän 1nçe fevral’dä Qıtaynıñ Uxan’ şähärennän alıp qayttılar. Êvakuaśiyälängännärneñ 32se Törkiyä, 6sı Azärbaycan, 3se Gruziyä häm berse Albaniyä watandaşı. Alarnı häm êkipaj äğ’zaların 14 kön buyı ber keşelek bülmälärdä küzätü astında tottılar.



Bäyläneşle xäbärlär