Pompeo Törkiyägä teläktäşlek belderde

AQŞ däwlät särqatibe Mayk Pompeo Törkiyäneñ Süriyä armiyäsenä qarşı İdlibtä xärbi çaralar oyıştıruın yaqladı. “Äsad rejimı, Rusiyä, İran häm Xizbullax tarafınnan İdlib xalqına qarşı urınsız häm räximsez höcümnärne AQŞ isemennän tağın ber qat ğayeplibez,”-diyelä anıñ yazmaça belderüendä.

Pompeo bolay dip däwam itte: “3nçe fevral’dä koordinaśiyä yasaw häm kiyerenkelekne kimetü öçen qullanılğan küzätü noqtasında xezmät itüçe küp sanda Törkiyä wäkilläreneñ ğomere özelgän höcümneñ tañında uq NATO berlektäşebezneñ yanında idek. Törkiyäneñ qanunlı üz-üzen saqlaw xoquqı qısalarında yasawçı adımnarın tulısınça yaqlıybız. Ülemnär nisbätennän Törkiyä xökümäteneñ qayğısın urtaqlaşabız”.

Pompeo Süriyä rejimı, Rusiyä, İran häm Xizbullaxnıñ ğamälläreneñ Süriyäneñ tön’yağında utnı tuqtatu täêmin itüne turıdan-turı çikläwen äytä.

“Bu wäxşilärçä höcümnär tögällänergä, gumanitar yärdämnärgä ireşü öçen mömkinlek tudırılırğa häm BMO iminlek şurasınıñ qararı nigezendä tınıçlıq qabat torğızılırğa tiyeş,”-dide AQŞ däwlät särqatibe.