İlbaşı Ärdoğan: “Zur xata yasawların aňlayaçaqlar”

İlbaşı Räcäp Tayyip Ärdoğan Süriyäneň İdlib töbägendä Bäşşar Äsädkä bäyle rejim köçläre yasağan höcümgä cawapnı birülären, birergä dä däwam itäçäklären belderde.

İlbaşı Ärdoğan Ukrainağa kitär aldınnan İstanbul Atatörek hawa mäydanında matbuğat oçraşuın ütkärde.

İlbaşı Ärdoğan biredä yasağan belderüendä İdlibtä 4 ğaskärineň şähit buluı, 9 ğaskärineň dä yaralanuı belän bäyle bularaq: "Törkiyä bu höcümneň cawabın birde, birergä däwam itä”, - dip äytte.

Ärdoğan: "İlebezneň, millätebezneň häm İdlible qardäşlärebezneň iminlegen täêmin itü öçen bez alıp barğan operaśiyälärebezne däwam itüdä qatğıybız. Mondıy yäm’sez höcümnär belän Törkiyäneň qatğilığın (qatğıylığın) sınap qarawçılar zur xata yasawların aňlayaçaqlar”, - dip belderde.

Ärdoğan töbäktä bilgelängän urınnarnıň “Dawıl” gaubiśaları belän bulmasın, “F-16” oçqıçları belän bulmasın, bombalanırğa däwam itüen belderde.

İlbaşı Ärdoğan: "Berençe mäğ’lümatlärgä kürä, qarşı yaqtan 30-35 tiräsendä Süriyäle täêsirsez xälgä kiterelgän wazğiyättä”, - dip äytte.