Cirteträwdä ülüçelär sanı 41 gä citte
Zilzilädän soñ êzläw häm qotqaru êşçänlekläre özleksez däwam itä
Törkiyäneñ Älazığ cirlegendä 24 nçe ğıynwarda küzätelgän häm êpiśentrı Sivrice ilçäse bulğan 6,8 ball zurlığındağı cirteträwdä ülüçelär sanı 41 gä citte.
Zilzilädän soñ êzläw häm qotqaru êşçänlekläre özleksez däwam itä.
Afät häm ğadättän tış xällär räislege (AFAD) cirteträwdän soñ xastaxanälärgä möräcäğät’ itkän 1607 keşedän 1515 eneñ xastaxanädän çığuın citkerde.
Xäzerge waqıtqa qadär 45 keşe xäräbälär astınnan isän-saw kileş qotqarıldı ,töbäkkä 23 meñ 507 ğailä çatırı, 400 ğomum maqsatlı çatır, 2 meñ 354 cılıtqıç, 6 meñ 436 azıq-tölek ärcäse cibärelde.
Törkiyä êçke êşlär ministrı Sölayman Soylu, sälamätlek saqlaw ministrı Fahrettin Koca, moxitne saqlaw häm şähär tözeleşe ministrı Murat Kurum, diyänät êşläre başlığı Ali Ärbaş waqıyğa urınında êşçänleklären däwam itterä.
”Cömhüriyät xalıq” partiyäse ğomum başlığı Kämal Kılıçdaroğlu Älazıg cirteträwennän soñğı teläktäşlek, yärdämläşügä basım yasap,”Törek xalqı qayğıda da, şatlıqta da bergä häm berdäm buluın tağın ber tapqır kürsätte” dide.
”İYİ” partiya ğomum başlığı Meral Akşänär cirteträwdän soñ töbäkkä kitte.
Ul cirteträwdä ğomere özelgän keşelärneñ ğailälärenä sabırlıq teläde häm “Bu yaralarnı bergä tözätäçäkbez”dide.
