Yaralılar Törkiyägä kiterelä

Somalida ber törek firmasınıñ tözeleş mäydanında 18nçe ğıynvarda bulğan bombalı höcümdä yaralanğan 20 keşeneñ 9ın däwalaw öçen Törkiyägä kiterälär.

Başqala Änkaradağı Êtimesgut xärbi aêroportınnan tön urtasında kütärelgän Törkiyä qorallı köçläreneñ oçqıçı irtän irtük Mogadişoğa töşep utırdı. Ul yaralılarnı alıp kire qaytu yulına da çıqtı.

Törkiyäneñ Mogadişo ilçese Mäxmät Yılmaz belderü yasap, yaralanuçılarnıñ berençe mediśina yärdämen Somalidağı Räcäp Tayyip Ärdoğan isemendäge xastaxanädä aluların citkerde.

 “3 watandaşıbız häm 6 somalilı awır yaralı. Xäzer xälläre totrıqlı, ämma däwalanuların tağın da yaxşıraq alıp baru öçen ilebezgä cibäräbez,”-dide ul.

İsegezgä töşeräbez, Somalida Afgoye belän Mogadişo yulın tözüçe törek firmasınıñ êş mäydanında 2 kön êlek bomba quyılğan maşina belän höcüm oyıştırıldı. Anda 3 keşe ülde, 20se yaralandı.