Törkiyä häm Rusiyä wäkillekläreneň Liviya söyläşüe başladı
Törkiyä Tışqı êşlär ministrı Mäwlüt Çavuşoğlu häm Milli saqlanu ministrı Hulusi Akarnıň Rusiyä wazıyfadaşları Sergey Lavrov häm Sergey Şoygu belän Liviya temalı cıyılışı başladı
Rusiyä tışqı êşlär ministrlığınıň Däwlät qunaq yortındağı söyläşüdä Liviyada tınıçlıq häm totrıqlılıq urnaştıru tırışuları qarap uzıla.
Liviya isemennän legal’ citäkçelek Milli kileşü xökümäte baş ministrı Fayiz äs-Särracnıň häm Liviyalı tüntäreleşçe ğaskäri Halifä Hafterneň dä Mäskäwdä oçraşu ütkäräçäge kötelä.
Diplomatik çığanaqlar utnı tuqtatu kileşüenä qul quyıluınıň mömkin buluın belderde.
Şul arada Tışqı êşlär ministrı Çavuşoğlu, Milli saqlanu ministrı Akar häm Milli küzläw oyışması başlığı Hakan Fidannan torğan Törkiyä wäkillege Mäskäwdä Liviya Milli kileşü xökümäte baş ministrı Fayiz Äl Särrac belän küreşte.
Törkiyä İlbaşı Räcäp Tayyip Ärdoğan belän Rusiyä Däwlät başlığı Vladimir Putin 8nçe ğinwar’dä Liviyadağı böten taraflarnı utnı tuqtatırğa çaqırğan ide.
Liviyada Milli kileşü xökümäte belän bäreleşüçe Hafter köçläreneň qabul itüe belän utnı tuqtatu 12nçe ğinwar’dä ğamälgä kergän ide.
Bäyläneşle xäbärlär
Terrorçılar täêsirsez xälgä kiterelde
Ğıyraqnıñ tön’yağında terrorçılarğa qarata operaśiyälär däwam itä
