Törkiyä İlbaşı: “AQŞ-İran kiyerenkelege Ğiraq arqasında arttı, borçılabız”

İlbaşı Ärdoğan şäxsi ber televideniye kanalında könüzäk mäs’älälärgä qağılışlı bäyäläwlär yasadı.

Ärdoğan İran generalı Qasıym Söläymanineñ AQŞ operaśiyäse belän "añlı räweştä Ğiraqta" üterelüe tudırğan risklarnıñ häm Ğiraqnıñ häm dä töbäkneñ iminlege öçen borçılu birüçe buluın äytte.

Kiyerenkelekneñ azaytıluı öçen Törkiyä bularaq kereşülär ütkärülären assızıqlawçı Däwlät başlığı İran häm Ğiraq liderları belän bergä söyläşülärendä ayıqlıq kiñäş itüen belderde.

İlbaşı Ärdoğan Törkiyä bularaq çittän tıqşınularğa härwaqıt qarşı toruların, Söläymani waqiğasına (waqıyğasına) da şuşılay qarawların äytte.

Operaśiya ütkärelgän atnakiçen Amerika Quşma Ştatları İlbaşı Donal’d Tramp belän telefonnan söyläşülären xäterlätüçe Ärdoğan: "İran belän kiyerenkelekne arttırmasqa kiñäş itkän idem. 4-5 säğättän soñ şuşı waqiğa buldı”, - dip äytte.

"Böten taraflar zarar küräçäk noqtağa barıp citmiçä bu kiyerenkelekneñ kontrol astına alınuı kiräk”, - dip äytüçe Ärdoğan 8nçe ğinwarda (ğıynvar’da) Törkiyägä kiläçäk Rusiyä Däwlät başlığı Vladimir Putin belän regional häm ike yaqlı böten täräqqiyätlärne bäyäläyäçäklären assızıqladı.

İlbaşı: "Ber ilneñ, ber däwlätneñ yuğarı däräcäle komandirın üterü härxäldä cawapsız qaldırılmas, dip uylıym”, - räweşendä kisätte.

İlbaşı Ärdoğan ber soraw uñayınnan Liviya belän tözelgän kileşü nigezendä törek xärbiläreneñ ber-ber artlı şuşı ilgä kitüen dä açıqladı.