“Bez anıñ xatının êläkterdek, ämma bu turıda şawlap yörmädek"

DEAŞ terrorçı oyışması atamanı Äbubäker äl-Bağdadinıñ xatının êläkterdelär. Bu xaqta Törkiyä ilbaşı Räcäp Tayyip Ärdoğan belderü yasadı. Ul atamannıñ AQŞ oyıştırğan operaśiyä waqıtında üz-üzen yuq itüen xäterlätep bolay dide: “Bez anıñ xatının êläkterdek, ämma bu turıda şawlap yörmädek. Täwge tapqır bügen belderü yasıym. Şulay uq, qız tuğanın, kiyäwlären Süriyä yağında qulğa töşerdek. Bez bu noqtadağı êşçänlegebezne iñ köçle räweştä alıp barabız”.  

Ärdoğan terrorçınıñ üz bozıq fikerläre öçen küz yommadan ğayepsez keşelärneñ qanın tügüen häm möselman dip atalırğa xaqı bulmawın asızıqladı.

“Oyalmıyça, aru-talunı belmiçä “islam terrorı” süzen qullanuçı Könbatışnıñ başta közgegä qarawı kiräk. Ägär terrorçı êzläsägez - ul sezdä. İslam isemen qullanıp terrorçılıq aktları oyıştıruçılarnıñ astın qazıp qarağız - annan islam doşmannarı çığaçaq. Mäsälän, Färxullaxçı terrorçı oyışması. FETOnıñ çınlıqta närsä buluın kürergä teläsägez, atamannarınıñ qayda, kemnär ximayäsendä yäşäwenä qarağız,”-dide Törkiyä ilbaşı.