Törkiyä häm Rusiyä Süriyädä urtaq patryul'gä başlıy

Êşlekle säfär belän Rusiyäneñ Soçi qalasına kitkän Törkiyä İlbaşı Räcäp Tayyip Ärdoğan belän öy xucası Däwlät başlığı Vladimir Putin İlbaşı rezidenśiyasında 6 säğät’ qara-qarşı küreşkännän soñ urtaq matbuğat oçraşuın oyıştırdı.

Ärdoğan biredä yasağan çığışında bilgele ber çorda terrorçılıq belän telgä alınğan Süriyäneñ Törkiyäneñ tırışuları belän qabat xozurğa häm totrıqlılıqqa qawışuın assızıqladı.

"350 meñe körd bulğan 3 million 650 meñ Süriyäle qardäşenä soñğı 8 yıl yarım qoçağın açqan ber il bez. Monnan arı şuşı qardäşlärebezneñ watan sağınuın beteräçäk adımnarnı yasawıbız zarur”, - dip äytüçe İlbaşı Ärdoğan Putin belän “Solıx çişmäse” xäräkäte qısalarında soñğı täräqqiyätlärne qarap uzuların belderde.

Bu qısada Törkiyä-Süriyä çigendäge (“PKK” separatist terror oyışmasınıñ Süriyädäge törkeme) “PYD” êlementlarınıñ 23nçe üktäbr’ säğät köndezge 12:00dän soñ 150 säğät’ êçendä qoralları belän bergä 30 çaqrımğa çigenäçägen belderüçe Törkiyä däwlät başlığı şuşı uq töbäkneñ 10 çaqrımğa xätle bulğan cirlegendä Törkiyä-Rusiyä patryul'läreneñ başlayaçağın assızıqlap äytep uzdı.

Vladimir Putin isä çığışında, Törkiyäneñ çik buyı iminlege borçıluların añlawların assızıqlap: “Törkiyäneñ milli iminlegenä qağılışlı adımnar yasaw telägen añlayış belän qarşılawıbıznı küp tapqırlar äyttek”, - dip belderde.

Matbuğat oçraşuınnan soñ 10 maddälek kileşü tekstı uqıldı. Tekstnı uqığan Törkiyä Tışqı êşlär ministrı Mäwlüt Çavuşoğlu Süriyäneñ Tel Abyad häm Rasulayn töbäklären üz êçenä alğan xäzerge “Solıx çişmäse” xäräkäte mäydanındağı status-kvonıñ saqlanaçağına basım yasadı.

Törek qorallı köçläreneñ 9nçı üktäbr’dä Süriyädä Färat yılğasınıñ könçığışında başlatqan “Solıx çişmäse” xäräkäte Amerika Quşma Ştatları belän ireşelgän kileşü qısalarında atnakiçen tuqtatılıp torılğan ide.